Xülasə

Məqalədə tarix müəllimlərinin peşə hazırlığı məsələlərinin əhəmiyyətindən bəhs edilir. Peşəkar, səriştəli müəllim şəxsiyyətinin mütərəqqi inkişafında pedaqoji akmeologiyanın rolu təhlil edilir. Müəllimin peşəkarlığının səviyyələri və meyarları göstərilir. Məqalədə qeyd olunur ki, akmeoloji yanaşmanın həyata keçirilməsinin məqsədi tələbələrə - gələcək müəllimlərə akmeoloji və pedaqoji təsirləri həyata keçirməkdir ki, onlar akmeoloji səriştəni təhsilin əsas mahiyyəti və peşəkarlığın ən vacib göstəricisi kimi inkişaf etdirsinlər.

Tarix müəlliminin akmeoloji səriştəsi özündə bir neçə komponenti birləşdirir. Müəllimin akmeoloji səriştəsinin strukturu bir-biri ilə əlaqəli üç komponentdən ibarətdir: motivasiya, tədqiqat və əks etdirmə-qiymətləndirmə. Bu komponentləri nəzərə alaraq, peşəkar pedaqoji fəaliyyətin uğurunu proqnozlaşdırmaq, müəllimin peşəkar fəaliyyətinin ən təsirli texnologiyalarını və akmeoloji aspektlərini inkişaf etdirmək və bununla da fərdi pedaqoji özünü inkişaf proqramını qurarkən bundan istifadə etmək mümkündür