Xülasə : Bu məqalədə müzakirə olunan məsələlər müasir dövrun ən aktual məsələlərindən biridir. Müasir elm və texnologiyanın sürətlə inkişaf etdiyi bir dövrdə təhsilə də müxtəlif yanaşmalar dəyişmişdir. Bu özünü tədris prosesində daha qabarıq göstərmişdir. Belə ki, tədrisə müasir yanaşmanın nə dərəcədə uğurla reallaşdığını tələbələrin gələcəkdə xarici dil bilikləri ilə sərbəst əmək bazarında rəqabətə nə dərəcədə dözə bilmək və nəinki öz cəmiyyətlərində, həm də beynəlxalq arenada layiqli yerlərini tuta bilmək qabiliyyətlərinə görə qiymətləndirmək daha məqsədəuyğundur. Nitq fəaliyyətinin yerinə yetirilməsi zamanı öyrənilən informasiyanın təcrübədə istifadəsi tələbələrin idrak tələbatının təmin olunması hissini oyadır və onların xarici dilə münasibətinə müsbət təsir göstərir.Nəticədə İngilis dilinin tədrisində yeni informasiya texnologiyalarının tətbiqi məsələsi daha da aktuallaşır. Xarici dillərin tədrisində yeni informasiya texnologiyalarının tətbiqi dedikdə, təkcə müasir texniki vasitə və texnologiyalardan praktik istifadə olunması deyil, həm də xarici dilin tədrisinin yeni forma və metodlarının, həmçinin bütövlükdə tədris prosesinə yanaşmanın istifadəsi başa düşülür. Müəllimin əsas vəzifələrindən biri hər bir tələbənin fəaliyyətinin aktivləşdirilməsi, onların yaradıcı fəallığı üçün şəraitin yaradılmasıdır.