Xülasə

Məqalə kreol və picin dilləri arasında fərqli cəhətlərin müəyyən olunması və kreol dillərin üç müxtəlif mərhələdən keçərək son akrolektal mərhələdə hibrid dillərin yaranması ilə xarakterizə olunmasını araşdırır. Tarixin müxtəlif dövrlərində bir sıra alimlərin kreol və picin dillərin meydana gəlməsi ilə bağlı mülahizə və fikirləri də məqalənin əsas tədqiqat obyektini təşkil edir. Məqalədə eyni zamanda qeyd olunan üç müxtəlif mərhələdə dillərdə baş verən fonetik, sintaktik və morfoloji dəyişikliklərin təhlili və nümunələrlə əsaslanırılması öz əksini tapmışdır. Tədqiqatın araşdırılmasında müqayisəli təhlil metodundan istifadə olunmuş və belə bir qənaətə gəlinmişdir ki, kreol dillər imperiya dövrünün məhsuldur, müstəmləkə ölkələrlə hakim təbəqə arasında ticarət əlaqləri qurmaq üçün ünsiyyət məcburiyyətindən yaranmışdır, kreol dillərin meydana gəlməsinə iki - ictimai- tarixi və ictimai-siyasi amillər böyük təsir gücünə malikdir. Picin dillər bazilekt mərhələyə uyğundur və budan fərqli olaraq, kreol dillərin təşəkkül mərhələsi hesab olunan akrolektal mərhələnin xüsusiyyətləri isə hibrid dillərdə öz əksini tapır. Tarixin növbəti mərhələsində isə müxtəlif ölkələr arasında iqtisadi, siyasi, ticari əlalərin genişlənməsi fərqli dialektlərin dillərə nüfuzu dillərdə hibrid formaların yaranması ilə nəticələnmişdir.